Gɔ̈c tɛ̈ cï akut gätpiny

Akut määc

Kɔɔc aguiɛɛr aa bë yiic laŋ kɔɔc muk mäktab leŋ yiic bɛ̈ny ku raan wëëu amada tɔ̈ɔ̈u. Kɔɔc ëbën aa bë rëër nyiën ken yiic ɣet kööl bï kɔɔc bë amada muk kuany. Na këc aguiɛr dun raan wël tɔ̈ɔ̈u kuany, ka akut määc a bë ye nyin dhiɛl tääu bë raan la cök kuany thïn ka pɛɛy këc thök tɛ̈n gɛ̈t aguiɛɛr piny tɛ̈ cït tɛ̈ cï lööŋ amada luɛ̈l yeen.

Kïn thɛ̈ny

Amada cë gätpiny a dhil laŋ kïn deen thɛ̈ny cë gät kɔ̈u 'Common Seal' ku rin aguiɛɛr. Kïn thɛ̈ny a thöŋ kek thaany aguiɛɛr ku a ye lac luööi tɛ̈ thɛny loiloi ril cï akut määc thany cök. Kïn thɛ̈ny a lëu ba tuöc tɛ̈n macuruön ke looi wälä dukän käŋ ë gäät.

Ɣön tɔ̈ɔ̈u bɛŋ yic

Tɛkdä ka aguiɛr dun a leŋ ɣön tɔ̈ɔ̈u bɛŋ yic wënthɛɛr kekädäŋ na cë we gätpiny, ka path bäk ɣön tɔ̈ɔ̈u bɛŋ yic ŋaany thok rin aguiɛɛr. Akut määc a bë bɛŋ lɔc bï wëëu aguiɛɛr ya tɔ̈ɔ̈u thïn ku kuat wëëu tɔ̈u wënthɛɛr aa bë ya wëëu aguir cë gätpiny. Bɛŋ a lëu bë week lɛ̈k bäk gäm wuŋ lööŋ aguiɛɛr ku a lëu bë we lɛ̈k, aya, bäk nyuöth wuŋ anyuth gɛ̈tpiny aguiɛɛr. Kaam këc wek athɛ̈ɛ̈ny ë ɣön tɔ̈ɔ̈u bɛŋ yic gua kuany, apath bäk lööŋ bɛŋ cï wek ŋany thïn kaŋ deet alɔŋ kɔɔc akut määc ye wïc bë ya kek cɛɛk thany yiic.

Tiët kën jäŋ bë rac

Aguiɛr dun, aya, a dhil wɛ̈t tiët kɔ̈u takic bë kɔɔc lui aguiɛɛr yic ya tiit kɔ̈ɔ̈th tɛ̈ leŋ yen kë wääc cëmën rär alei wälä tɛ̈ cï wek këlei rac ka we lui käŋ amada dun. Amada dun na leŋ piny, riöp ë piny wälä muk piny ë ŋäth puɔ̈u, keka dhil laŋ tiët kɔ̈u ë löŋ yic kekëdäŋ akut määc a lëu bë wɛ̈t takic tɛ̈ bï piny tiit kɔ̈u thïn. Aguiɛr dun tɛkdä ka lëu bë laŋ atït kɔ̈u alɔŋ rɛc käŋ ë jaŋ ku atïït kɔ̈u kɔ̈k tɛ̈ cït tɛ̈ cï löŋ luɛ̈l yeen.

Kaam këc wek ye gua takic lɔn wïc wek atït kɔ̈u alɔŋ käŋ ë jäŋ, tɛkdä ka akut määc dun a bë dhiɛl wïc wëët tɛ̈n raan cë nhom bak wël atït kɔ̈u yiic. Na jai akut määc atït kɔ̈u, ka dhil kɔɔc amada lɛ̈k ku lëk ke kë cɔl keek aa jai, aya, ku kä cï kek ke nhïïm ŋiɛc wei gut ŋɛ̈ny lëu bï keek ŋäny.

Käcëgɔ̈t alɔŋ wëëu

Aguiɛr dun, aya, a dhil athör leŋ yiic kuat ɣɔɔc tɔ̈ɔ̈u. Tɛkdä ka tɛ̈ ye wëëu tääu thïn a cäk looi thɛɛr kekëdäŋ a dhiɛlkä tääu we nhïïm lɔn thöŋ yen kek tɛ̈ cï lööŋ luɛ̈l yeen. Wek aa ye lɛ̈k bäk leŋ yiic kä cë ɣɔɔc ku kä cë ɣaac ya tɔ̈ɔ̈u, athör anyuth ɣɔɔc, wël bɛŋ, athör wëëu thiik luɔy ku athör cï käŋ akut gät thïn. Tɛ̈ cït tɛ̈ dïït amada dun thïn, tɛkdä ka wek aa dhil wël kɔ̈k ye gätpiny akölaköl wälä wik thok ëbën ya tɔ̈ɔ̈u. Dɛ̈t ril a kïn, kuat käcëgɔ̈t aa dhil thääp, aa dhil aa yith ku aa dhil gätpiny thoŋ Nyïŋlïth.

Yuul amat

Ka ye amada cë gätpiny, wek aa dhil laŋ athöör wälä polder ye wek kuat käcëgɔ̈t wälä yuul amɛtmɛɛt akut määc ku amɛtmɛɛt dït ruöön tääu thïn. Mäktam Tijäär Alal a lëu bë cööt käcëgɔ̈t wälä kuat lëk alɔŋ amada ku këc ke gɔ̈t thoŋ Nyïŋlïth, ka wek aa dhil wuök cë waar apath bɛ̈y.

Dööc

Akut määc a dhil lïnh kɔɔc cë gätpiny ke ye adöc amada tɔ̈ɔ̈u. Lïnh kën a dhil yic laŋ rin adöny amada, tɛ̈nëyök, kööl gɛ̈t ke piny, kööl riɛ̈ɛ̈k dɔ̈ny den ku wël kɔ̈k cë kuany yiic lööŋ yiic wälä tɛ̈ cït tɛ̈ cï amada mät yeen.

Kɔ̈k kën amada ku kä keen kɔ̈k

Na leŋ kë tɔ̈u kek amada dun ka këc gua gätpiny, ka dhil kɔ̈ɔ̈k rin amada kɔ̈u tɛ̈ cï amada jal gätpiny. Rin bäk kën dhiɛl looi tɛ̈ cït tɛ̈ wïc löŋ yeen, ka akut määc a dhil wïc wëët tɛ̈n raan cë lööŋ kueen.

Gɛ̈tpiny cök cëën, käŋ aguiɛɛr ëbën cït thurumbil aa dhil kɔ̈ɔ̈k ë rin amada kɔ̈u. Aya, amada a lëu bë ya yen ɣɛ̈ɛ̈c kuat yith wälä käny tɔ̈u ku dhɛ̈l löŋ.

Amɛtmɛɛt

Lööŋ amada aa wël path kuany yiic alɔŋ tɛ̈ ye luöi amɛtmɛɛt ku tɛ̈ ye ke looi thïn, ye ŋö ku ye nɛn ye keek loi. Akut määc a dhil a mat ku cɔɔl kä amɛtmɛɛt tɛ̈ cït tɛ̈ cï lööŋ kä luɛ̈l yeen. Amat dïït kɔc ebën a dhiɛlkä cɔɔl ku tuöckä jɔ̈ɔ̈l pɛɛy yic wälä pɛ̈y ka diäk yiic tɛ̈n gɛ̈t amada piny. Amɛt dïït kɔc ebën (cɔl AGM thoŋ Nyïŋlïth) a dhil cɔɔl pɛ̈y ka 18 yiic tɛ̈n gɛ̈t amada piny ku a dhil cɔɔl pɛ̈y ka 6 yiic tɛ̈ thöök ruöön wëëu amada. Amat AGM yen ye kɔc kɔɔc mäktab kuany thïn ku wël wëëu aa dhil luɛɛl. Aya, apath bäk wël cë röt looi lon amada yic ruöön cë wan bɛn luɛɛl tɛ̈n kɔc amat AGM yic.

Ajuër

Amada aya, tɛkdä ka a leŋ lööŋ kɔ̈k dhil kuany cök. Löŋ ajuër yic, tɛkdä ka amada dun a dhil kuany bɛ̈ny jäŋ, ku ee lac a raan wëëu tɔ̈ɔ̈u, bë athör aa gät Mäktam Ajuër Authralia. Tɛkdä ka amada a wïc bë ye thok tuööm kek Mäktam Ajuër Authralia wälä raan wëëu bë wël kɔ̈k alɔŋ löŋ ku ajuër deet.

Lëk kɔ̈k:

• Mäktam Tajiir Ɣɛr Puöu:
  • tɛ̈ ye amada cääth thïn
  • amɛtmɛɛt amada cë gätpiny
  • Kä ye wïc amadaa cë gätpiny
• Mäktam Ajuër Ɣothralia kek Lëk tɛ̈n amadaa cï wɛ̈ɛ̈u ken ye dhiëth
• Panpiööc Dït ë Tëët Queensland a leŋ Lëk alɔŋ amɛtmɛɛt
• Lëk ë Kuɔɔny ë määc webthait yic alɔŋ Wël lööŋ ku atït (Gɛ̈tpiny a wïc)