Akuut juɛ̈ɛ̈c wuöt aa cïk ë lëu bïk rëër thïn tɛ̈ cï yen ye wɛ̈t kuɔɔny kɔɔc cë röt juaar. Ee rot lac looi bë kuat loiloi aguiɛɛr ye looi akölaköl ku loiloi kuut wëëu loony kɔɔc cë röt juaar nhïïm. Aguir ce luui ë mal, akut kɔɔc cë röt juaar kën a leŋ yic kɔɔc kɔ̈k tɔ̈u akut ë määc yic.
Yöŋ kɔɔc la cök bïk röt juɛ̈r aguiɛr dun ku muöök kɔɔc cë röt juaar nhïïm aa bë aguiɛr dun kony arët/apɛi ku kɔɔc cë röt juaar aya.
Kaam këc aguiɛr dun luɔy gua gɔl kɔɔc cë röt juaar, apath bäk kaŋ tak:
- ye loiloi yïndä path ke keek,
- yeŋa bë ke kony luɔn den yic ku ,
- Ye kä yïndä wïckä cëmën tharbeth, telepun ku kɔmpiöta.
Aya, apath bäk tɛ̈ bï wëëu keen cäth ya dhuök cëën thïn jääm yic ku lɔn leŋ kek atït kɔ̈u agut tɛ̈ yök rɔ̈r keek ke lui lon cï kek röt juaar ku/wälä atït jäŋ.
Kɔɔc kɔ̈k cë röt juaar aa bë la tɛ̈n aguiɛɛr rin ŋic kek kä ye aguiɛɛr looi. Aya, apath bäk wïc ë raan leŋ tëët/ŋiëëc wiëckä. A leŋ ɣɔ̈n juɛ̈ɛ̈c lëu bï wek wɛ̈t caal thïn majan agut athörlëk ye aguiɛr dun gɔ̈t wälä aguir dɛ̈t wälä akut dɛ̈t wälä intɛnet.
Kuaany kɔɔc cë röt juaar
Apath bë kɔɔc kuun röt juaar laŋ tëët wiëckä aguiɛr dun yic ku lon deen yen bïk looi nhom. Kën a ril tɛ̈n aguiɛr dun rin bï kɔɔc cë röt juaar luui kek kɔɔc ye dɔ̈m bïk kɔɔc lui ke week luööi ku/wälä wut. Aya, apath tɛ̈n raan cë rot juaar rin lëu bï yen gua jäl tɛ̈ cïn yen kë wïc tɛ̈ɛ̈t de wälä tɛ̈ cïn yen dɛ̈t cë ŋic.
Rin bäk ŋic lɔn bï raan wïc bë rot juaar kä wiëckä deet, apath bäk raan lɛ̈k alɔŋ aguiɛr dun, lon lëu bë bɛ̈n looi, ŋiëëc path bë rëër ke yeen ku kë bë bɛ̈n yök tɛ̈ juɛɛr yen rot bë luui ke week. Aguir juääc aa nyin luɛɛl rin bë raan juar rot kë wïc deet apath.
Rin bäk ŋic lɔn bï aguiɛr dun raan la cök kuany, tɛkdä ka athör bäk tuɔɔc aɣeer a bë yic laŋ thiëc raan thiëëc kë cë kaŋ looi ku kuat lëk kɔ̈k bë we nyuööth. Tɛkdä ka wek aa bë kɔɔc wïc juɛ̈r röt yɔ̈ɔ̈k bïk wël kɔ̈k alaŋ den lueel wälä raan cë kaŋ luui ke keek rin bäk bɛ̈n yuöp ku thiɛ̈ckä lɔn cï raan kën kaŋ luui thïn.
Na cïk athör ajuër rot thiɔ̈ɔ̈ŋ, ka tɛkdä wek aa bë kɔɔc abɛ̈k jal kuɛ̈ny bei ku calkä keek bäk ke bɛ̈n thiëëc thook ku ee yen tɛ̈ bï wek wël jal bɛ̈n dööt yiic thïn. Kaam këc wek raan gua gam bë rot juaar aguiɛr dun yic, apath bäk kaŋ jam kek raan cï kek kaŋ luui. Na cäk tak alä raan a cë path bë rot juaar tɛ̈n aguiɛr dun, ka path bäk raan cït kën leec rin cï yen ye tak bë rot juaar ku lɛ̈kkä raan cït kën ye ŋö këc ye kuany bë rot juaar ye kaam kën.
A leŋ kä cë kuɛɛn piny lɔ̈ɔ̈ŋ kun yiic ku Löŋ Gɛ̈tpiny Amada yic wën lëu bäk ke kuany cök tɛ̈ kuɛny wek kɔɔc bë rëër akut ë määc yic.
Piööc kɔɔc cë röt juaar
Kaam këc raan yam cë rot juaar luɔn de gua gɔl, apath bäk lor ku kuɔnykä bë ye guöp päl piny ku deet tɛ̈ luui aguiɛr dun thïn. Lon kën a ye cɔl cök nhom piny ku a leŋ yic lueel raan cë rot juaar tɛ̈n kɔɔc kɔ̈k tɔ̈u aguiɛɛr yic wënthɛɛr, ku cɔl a ŋic raan bë luui ke yeen, ku nyuth mäktab yic, ku lëk ye aguiɛɛr looi ku lon deen yen kɛ̈ɛ̈c yen.
Wiik reen bë bɛ̈n tueŋ tɛ̈ cï raan juar rot luɔn de gɔl, raan tök wälä kɔɔc juääc aa dhil ye kony bë kë looi ŋic rin bë luɔn de ŋiɛc looi. Tɛ̈ cït lon bë gäm yeen, raan yam juar rot, tɛkdä, ka bë dhiɛl luui ke raan dɛ̈t cë luɔy deet ɣet köl bï yen nyin wuɔɔk luɔn de yic. Wël luɔy ku tɛ̈ ye kɔc luui thïn cë gätpiny aa bë ye kony aya, apɛy tɛ̈ le yen a raan luui rot läthɛɛr.
Kuɔɔny kɔɔc cë röt juaar
Tɛ̈ cë kɔɔc cë röt juaar nyïn ŋic luɔn den yic, a leŋ dhɔ̈l kɔ̈k lëu bï wek keek ŋuɔt ke yakä kony rin bïk ŋic lɔn nhiɛɛr wek luɔn den. Yöŋ kɔɔc path bë röt juaar ee lon dït tet, ka yeen apath bäk kɔɔc cë ɣëët ya muk cök apath bïk rëër.
Na lëu rot, ke yakä keek caal amat kɔɔc luɔy yic, thiɛ̈ckä keek kë yekä tak tɛ̈ leŋ yen lon jɛ̈ɛ̈m ë yic ke ye lon bï kek rëër thïn ku thiɛ̈ckä keek bïk wël aa dhuök kɔ̈ɔ̈th week. Kuat tɛ̈ cï yen rot lëu thïn, tɛkdä ka path bäk kɔɔc cë röt juaar aa cɔl a piɔ̈c ë dhɔ̈l kɔ̈k bïk ŋiëëc den ku tɛ̈ɛ̈t den ya juak yic cëmën piööc wälä bë ke bɛn kɔ̈ɔ̈k loiloi kɔ̈k bïk ke nhiaar yiic ku kɔ̈k bï kek bɛn la piöc thïn.
Aguir juääc, aya, aa kɔɔc cë röt juɛ̈r keek leec ë dhɔ̈l kɔ̈k tɛ̈k yiic. Dhɔ̈l kä aa lëu bïk yiic laŋ lɛ̈c thok rin lon cïk looi, bë ke ɣɔ̈c chäi wälä bë ke gäm miɔ̈c, athöör wälä anyuth alɛɛc ë luɔn den.
Na cë raan cë rot juaar tɛ̈n week ye nhom tak bë gɛ̈t tɛ̈ dɛ̈t bï yen la luui thïn, ka dhiɛlkä geei kɔ̈u dhël bï wek ye gät athör piath ë luɔn nyuɔɔth wälä bäk we rin gätpiny tënë yeen bë we thiëëc thook ë raan cï yen gɛ̈t thïn.
Lëk kɔ̈k
- Webthait juɛ̈r rot baai Queensland leŋ yic Lëk alɔŋ Luɔy kek kɔɔc cë röt juaar
- Kuɔɔny Mäc Webthait yic Lëk ku nuëët kek kɔɔc cë röt juaar (Gɛltpiny a wïc)
Last updated 2008-02-14