خپل سازمان مسؤل ګرزول

د سازمانونو د شرکت قانون (Associations Incorporation Act)

د سازمانونو د شرکت قانون (Associations Incorporation Act) د شرکتي سازمانونو د مسؤليتونو په اړه او د مطابقت نه لرلو په حال کښې د جريمو په اړه روڼ او څرګند دی. قانون (ايکټ) د کلنۍ ټوليزو غونډو، د قوانينو بدلولو، د شرکت کارکوونکو بدلولو او مالي او تجارتي ثبتونې اړتياوو په لړ کښې مسؤليتونه په تفصيل سره ورکوي. د دې پخلی کول یا اطمینان کول چې تاسو دغه ټول مسؤليتونو باندې پوهه شئ تاسو د منصفانه تجارت دفتر (Office of Fair Trading) سره تړاؤ نيولی شئ، قانون (ايکټ) کتلی شئ يا د مسلکي قانوني مشورې لپاره غوښتنه کولی شئ. تاسو له به پکار وي چې د معلومات د نظم او راپور ورکونې لۀ پاره نظامونه ځای پر ځای کړئ چې خپل سازمان د دې جوګه کړئ دغه مسؤليتونه بشپړه کړي.

بيپاران یا مشتریان

يو تنظيم چې خپلو بيپاريانو (کلاينټس) ته مسؤل وي نو  بيپارانو څخه به د خبلو مرستو په اړه د وړانديزونو غوښتنه کوي او هغوی به پرېکړو کولو کښې ځان سره ګډوي. کېدای شي چې تاسو دا هم وغواړئ چې د داسې تګلارو يا کړنلارو سره د بيپاريانو (کلاينټس) څخه راغليو شکايتونو حل کولو له پاره لارې چمتو کړئ کوم چې ستاسو اقدار او اخلاقي قوانين څرګندوي او د دې پخلی کوي چې هر ډول معاملات په سپينه توګه سره حوار ولی شي.

دغه شان داسې قوانين هم شته چې څرګندوي د بيپاريانو (کلاينټس) سره په څه ډول سره پېښېدل په کار دي چې پکښې دا شامل دي؛ د توپير ( تبعيض) پر ضد قانون، د استعمالوونکو د ژغورنې له پاره قانون او د کوچنيانو او زلمو وګړو ژغورنه. تاسو د خپلو بيپاريانو (کلاينټس) او کارکوونکو په اړه د پاملرنې مسؤليت هم پۀ غاړه لرئ چې د تنظيم په سيمه کښې د موجوديت پر مهال کښې د هغوی د خونديتوب پخلی وکړئ. تنظيم دا مسؤليت په غاړه لري چې خپله د کار سيمه يا ځای په ښه حالت کښې وساتي چې دا ډول هغه خوندي پاتې شي او هم د اولسي مسؤليت په اړه بيمه (Public liability insurance) هم اخيستل دي.

د سازمان او د ټولنې غړي

ستاسو تنظيم به د قانون (ايکټ) لاندې د غړيو او اولس پر وړاندې ځانګړي مسؤليتونه لري لکه د خپل کلنۍ ټوليزې غونډې په اړه په پراخه توګه سره اعلاميه کول او کلنی راپور چاپ کول. کېدای شي چې تاسو دا هم وغواړئ چې د ټولنې پر وړاندې خورا ډېر مسؤل ګرزېدلو له پاره نورې لارې هم په پام کښې و نيسئ. کېدای شي چې تاسو پرېکړه وکړئ چې داسې پرانيستيې غونډې جوړې کړئ چې نورو غړيو او اولس ته پکښې د برخه اخيستنې اجازه وي او يا د خپل تنظيم په اړه معلومات ځايي ټولنيزو رسنيو (media) ته وړاندې کړئ چې دا ډول ټولنه ستاسو په اړه نور ډېر  معلومات ولري چې تاسو څه کوئ.

بسپنه ورکووني هييتونه (سټې)

که ستاسو تنظيم د بسپنه ورکوونکي هييت څخه پيسې تر لاسه کوي، نو تاسو له به پکار وي چې د هغوی غوښتنې بشپړه کولو په اړه ډاډ گیرنه یا پخلی ور کړئ. دې کښې دا شامل کېدلی شي چې د مرستې يا خدمت تړون ورسره بشپړ کړئ کوم کښې چې د پروژې په اړه راپورونه او مالي معلومات وړاندې کول، د خپل تنظيم له اړخه وړاندې کېدونکيو مرستو جاج اخيستنه او د بسپنې اخيستنې په اړه د لارښوونو بشپړه کولو  پخلی ورکول شامل دي.

په تنخوا کار کوونکي او رضاکاران

مدیره کومېټه دا مسؤليت په غاړه لري چې د څرګنده تګلارو او په ښه توګه سره د کارکوونکو د نظم د لارې د تنظيم کارکوونکو لۀ پاره د منلو وړ د کار کولو حالات قايم کړي کوم به چې د رضاکارانو له پاره هم وکارولی شي.

د تنظيم کارکوونکي د تنظيم پر وړاندې مسؤل وي چې خپلې دندې په ښه توګه سره بشپړه کړي. په عمومي توکه سره دا طمع کولی شي چې رضاکاران به هم د تنظيم پر وړاندې مسؤل وګرزي.

يو تنظيم چې په تنخوا کارکوونکي ساتي هغه له به پکار وي چې د ټولو ولايتي او فيدرالي قوانينو لاندې خپل هغه مسؤليتونه بشپړ کړي کوم چې د ملازمت پۀ اړه وي لکه د توپير (تبعيض) پر ضد قانون، د صناعت اړيکو په اړه قانون، د کارځای په اړه روغتيايي او د خونديبوب او د کار ځای د خوښې په اړه قانون. تنظيم له به دا هم پکار وي چې تقاعدي مرسته یا سپر انووېشن ادا کړی شي، کارکوونکو ته د تاوان ورکړې یا کمپينسېشن په اړه بيمه د نېټې سره سمه وساتلی شي او د کارکوونکو د تنخوا څخه د ټېکس (ماليې) کره مقدار پرې يا کم کړی شي او د اسټرېليا د ټېکس (ماليې) دفتر ته ولېږلی شي.

په کوينزلېنډ کښې، تنظيم له به پکار وي چې د دې خبرې پخلی وکړي چې ټول په تنخوا کار کووونکي، رضاکاران او زده کوونکي ٰد کوچنيانو سره کار کولو په اړه پلټنهٰ لري چې دا ډول د هغوی د وړتيا په اړه پخلی وشي. تاسو کولی شئ چې د دې غوښتنې په اړه نورو معلوماتو له پاره د کوچنيانو او زلمو وګړو او د کوچني د پاملرونکي کميسيون سره تړاؤ ونيسئ.

نور قانوني مسؤليتونه

شرکتي سازمانونه د تجارت، ټېکس (ماليې) او نورو ولايتي او فيدرالي قوانينو لاندې يو شمېر مهم قانوني مسؤليتونه هم لري.

د تجارتي تړون قانون لاندې به هر رسمي تړون راځي چې تاسو يې د بسپنې ورکوونکي هييت سره، د کار ځای د اجارې په اړه، ګاړي يا نورو شيانو په اړه کوئ او نور تړونونه چې د ځانته کسانو يا تنظيمونو سره يې کوئ.

ستاسو تنظيم پورې اړه لرلو سره، کېدای شي چې تنظيم مو د عاید ماليې (انکم ټېکس)، د پاسه ګټو باندې مالیې (ټېکس)، د زمکې مالیې (ټېکس)، د تنخوا مالیې (ټېکس) او جایداد محصول (مهر ډيوټي) په اړه ولايتي او فيدرالي چارواکو ته مسؤل وګرزي.

که چېرې ستاسو سازمان يوازې د خپلو غړيو څخه نه بلکه د اولس څخه هم بسپنې راغونډولو کښې بوخت وي، نو کېدای شي چې تاسو د منصفانه تجارت دفتر (Office of Fair Trading) څخه هم د خپلو مسؤليتونو په اړه معلومات تر لاسه کولو ته اړتيا ولرئ.

کېدای شي چې د دغو مسؤليتونو په اړه نور معلومات تر لاسه کولو له پاره ستاسو سازمان وغواړي چې د اسټرېليا د ټېکس (ماليې) دفتر، د ماليې ولايتي دفتر، د منصفانه تجارت دفتر (Office of Fair Trading) سره تړاؤ یا اړيکې ونيسي او يا بيا د يو وکيل او / يا محاسب (accountant) سره تړاؤ ونيسي.

نور معلومات:

• د یوه سازمان د چلولو   او د شرکتي سازمانونو شرایط یا غوښتنې په هکله د منصفانه تجارت د دفتر معلومات
• د غیر انتفاعي سازمانونو په اړه معلوماتو لپاره د اسټریلیا د مالیې دفتر ارتباط
• د کوینزلینډ د تکنالوژۍ پوړهنتون د قانوني او مالي دندو په هکله معلومات لري (د دې ډاډ لپاره چې معلومات لا تر اوسه هم سم دي لطفاً د منصفانه تجارت د دفتر سره وګورئ)
• د ګذارش یا ریپورټ ورکولو د غوښتنو  په هکله د ټولنې ور ارتباط
• د مدیریت د ملاتړ تیلفونی کرښه (د ثبت د شرایطو یا غوښتنو):
  • د مسؤلیت یا حسابدهي په هکله معلومات
  • قانوني خبرې او بیمې